Pertsona migranteen nazioarteko eguna ospatuz eta “Zeru berdinean: denontzat
dago lekua” goiburua erabiliz, zentroan ekintza ezberdinak burutu genituen.
Lehendabizi, ikasleak burututako bideo baten proiekzioa ikusi genuen, non hauek
mundu honetako dibertsitatea islatu nahi zuten. Gainera, ikus-entzunezkoak
munduan dauden mugen gaineko hausnarketa burutzen du, hauek gizakiaren eta
kulturaren eraikuntza izanik. Horren ondorioz, desberdintasunak, gatazkak eta
bortxaketak aurkitzen dira. Jarraian, “Margotu-ren zerua” sortu genuen: “zeru” hau
egiteko, pertsona bakoitzak interkulturalitatearen aldeko, kometa eta gutun
formatua erabiliz, mezu eta desira ezberdinak idatzi zituen. Bestalde, musika jaialdi
bat antolatu zen ikasle eta irakasle guztiok parte-hartu zutena. Ondoren, “Margoturen
zeru azpian” photocall formatua erabiliz, argazki batzuk hartu genituen.
Ospakizuna bukatzeko, Gabonetako agurrak bideo lehiaketaren sarien banaketa
burutu zen: Zorionak irabazleei eta eskerrik asko parte-hartu duzuen guztioi!
